(Böyütmək üçün)

Xulon Bələdiyyəsi və İsrail Karikatura və Komiks Muzeyi Azərbaycan karikaturaçılarının möhtəşəm "Silahdaşlar" adlı  sərgisinin açılışına dəvət edir.

Açılış mərasimi 10 May 2012-cil il saat 20:00-da baş tutacaq. Mərasimdə İsrail Karikatura və Komiks Muzeyinin direktoru xanım Qalit Qaon, sərginin koordinatoru Boris Erenberq və Azərbaycan Karikaturaçılar Birliyinin sədri cənab Bayram Hacızade açılış nitqi ilə çıxış edəcəklər.

Sərginin xüsusi qonaqları Xulon şəhərinin meri cənab Moti Sason, Azərbaycan Karikaturaçılar Birliyinin sədri cənab Bayram Hacızade, Xalq rəssamı, Azərbaycan Rəssamlar İttifaqının katibi Prf. Ağəli İbrahimovdur. Qonaqlar arasında Xulon Bələdiyyəsinin Baş direktoru xanım Xana Herçmanda olacaq.

Sərginin açılış vaxtları: Çərşənbə axşamı – cümə axşamı: 17:00 - 20:00

                                  Cümə - şənbə:  10:00 – 13:00                                               

Ünvan: "Beyt Meirov" Qalereyası, küç. Herçfeld 31, Xulon.

(Böyütmək üçün)

Azərbaycanla İsrail arasında diplomatik münasibətlərin qurulmasının 20 illiyi ilə əlaqədar səfir Mixael Lotemin Gun.az informasiya agentliyinə müsahibəsi.

- Cənab səfir, aprelin 7-də Azərbaycanla İsrail arasında diplomatik əlaqələrin qurulmasının 20 ili tamam olur. Keçən müddət ərzində ölkələr arasında formalaşmış münasibətlərin səviyyəsini necə qiymətləndirirsiniz?

- Azərbaycan müstəqillik əldə etdikdən və ölkələrimiz arasında diplomatik əlaqələr qurulduqdan sonra yaxşı münasibətlərimiz yaranıb. Amma son 10 il ərzində biz əməkdaşlığın bütün sahələrində müsbət inkişaf müşahidə etmişik.

Son üç ildə, xüsusi ilə son bir il ərzində münasibətlərimiz yeni mərhələyə qədəm qoyub. Ümumiyyətlə, bu gün iki dövlət arasında çox gözəl münasibətlər var. Bunu kafi və yaxşı arasında deyil, yaxşı, əla və ondan yuxarı dərəcədə qiymətləndirə bilərik.

Həmçinin iki dövlət arasında əlaqələr səmimidir və qarşılıqlı anlaşmalar var. Müasir dünyada çağırışlar, problemlərin olduğu bir vəziyyətdə iki dövlətin münasibətləri çox müsbətdir. Biz bir-birimizi çox yaxşı başa düşə bilirik. Bir çox ümumi maraqlarımız mövcuddur. Eyni zamanda dövlət başçıları arasında da şəxsi dostluq münasibətləri var.

- Hər iki ölkə iqtisadi sahədə münasibətlərini inkişaf etdirməkdə qərarlı görünürlər. Ümumiyyətlə, İsrail tərəfi yaranmış iqtisadi münasibətləri hər iki ölkənin malik olduğu potensiala uyğun gəldiyini düşünürmü? İki ölkə arasında ticarət dövriyyəsinin və qarşılıqlı sərmayələrin həcmi qənaətbəxşdirmi?

- İki dövlət arasında mövcud olan ticarət dövriyyəsinin həcmi qənaətbəxşdir. İsrail öz təlabatını ödəmək üçün Azərbaycandan neft idxal edən ölkələr siyahısında birincidir. Başqa ölkələr də siyahıda birinci ola bilərlər. Amma onlar Azərbaycandan idxal etdikləri nefti üçüncü dövlətlərə ötürürlər.

Lakin İsrail nefti öz təlabatını ödəmək üçün alır. İsrail biznesmenləri həmişə yeni bazar axtarışındadırlar. Çünki İsrailin öz bazarı o qədər də zəngin deyil. Bu səbəbdən Azərbaycan İsrail biznesmenləri üçün çox cəlbedici bir ölkədir.

Bir çox İsrail biznesmenləri kənd təsərrüfatı, yüngül sənaye, tibb, kommunikasiya, xüsusi ilə də neft və kimya məhsullarının istehsalı sahəsində maraqlıdırlar. Azərbaycan bu sahədə önəmli bir rol oynayıb və oynayır. Potensial böyükdür. Amma nəinki potensial, biz burda baş verən iqtisadi inkişafı...davam edin..

 

(Böyütmək üçün)

15-17 May, 2012- ci ildə “Agritech- İsrail Kənd Təsərrüfatı” sərgisi Tel Əviv şəhərində İsrail Ticarət Sərgisi və İclas Mərkəzində keçiriləcəkdir. Bu sərgi kənd təsərrüfatı texnologiyaları sahəsində dünyanın ən mühüm sərgilərindəndir.

İstehsal, marketinq və kənd təsərrüfatının müxtəlif sahələrində birbaşa və ya dolayısı ilə çalışan bütün şəxsləri sərgidə iştirak etməyə dəvət edirik. Sərgidə aşağıda verilən mövzuları əhatə edən sahələr üzrə məhsul və ya xidmət təqdim edən bütün şirkətlər və təşkilatlar iştirak edə bilərlər: aqrar ekologiya, biotexnologiya,  gübrələmə, istixana, quşçuluq, suvarma və su texnologiyaları, gülçülük və s..

Daha ətraflı məlumat əldə etmək üçün daxil olun.