(Böyütmək üçün)

İsrail Baş Nazirinin Müavini və Xarici İşlər Naziri Tsipi Livni və Fələstin Muxtariyyatının rəhbəri Mahmud Abbasın birgə brifinqinin sonunda Kvartet bəyan edib ki, İsrail və Fələstin Muxtariyyatının həyata keçirdiyi sülh prosesini dəstəkləyir və tərəflərin gələcəkdə beynəlxalq müdaxiləsiz, özlərinin müəyyən etdiyi zaman və prinsiplər çərçivəsində danışıqları davam etdirməsinə imkanlar yaradacaq. 

Bildirilib ki, Kvartetin müəyyən etdiyi üç şərtə uyğun olaraq Fələstin rəhbərliyi və terror infrastrukturunun aradan qaldırılması baxımından beynəlxalq dəstək çox vacibdir. Beynəlxalq ictimaiyyət terrora, zorakılığa və qeyri-tolerantlığa qarşı mübarizəyə sadiqdir. Əslində beynəlxalq ictimaiyyət İsrailin də qəbul etdiyi əsas prinsiplərini qəbul edib ki, bu da prosesin davamı və uğurunun təməlində durur.

Nazir Livni bəyan edib ki, İsrailin uzun müddətli maraqları onun qonşuları ilə yalnız dialoq və geniş razılıq yolu ilə əldə olunacaq. Maraqlı tərəflər razılığın əldə olunmasının əhəmiyyətini hər kəsdən yaxşı anlayır. Yalnız onlar hansı şəraitdə yaşaya biləcəklərini və ya bilməyəcəklərini yaxşı başa düşür. Livni bir daha qeyd edib li, İsrail Fələstin dövlətinin yaradılmasının vacibliyini yaxşı anlayır, lakin israrla təkid edir ki, bu terrorçu dövləti olmamalıdır. Xarici İşlər Nazirinin sözlərinə görə, danışıqlar intensiv və ciddi şəraitdə davam edir və proqres nəzərə çarpır.   

(Böyütmək üçün)

2008-ci il noyabrın 10-u İsrail Baş Nazir İshaq Rabinin 1995-ci il noyabrın 4-də baş vermiş qətlinin 13-cü ildönümünü anır.

Prezident Peresin şam yandırma mərasimindəki çıxışı (İngilis dilində)

İshaq Rabinin bioqrafiyası

Qətllə bağlı məqalələr

(Böyütmək üçün)

İran liderləri İsraili hədələyə bilərlər və ya iki ölkə arasında əlaqələr gərgin qala bilər. Lakin bu amillər İsrail klinikasının beyin şişi – bədxassəli astrotsitoma (GBM) diaqnozlu 12 yaşlı uşağı müalicə etməkdən çəkindirməyib. Təl-Əvivdəki Şeba Tibb Mərkəzinin sözçüsü David Vaynberq deyir ki, artıq Turkiyə və İran həkimləri uşağa yardım edə bilmirdilər. Sadəcə “Qay” (oğlan) adlandırdıqları uşağın əsl adı məxfi saxlanılır ki, ailəsi İrana qayıtdıqdan sonra problemlə üzləşməsin.

O, dünyada 10 ən yaxşı uşaq xəstəxanası olan Şebanın Safra xəstəxanasına 2008-ci il oktyabrın 10-da atası və nənəsi ilə birlikdə Türkiyədən Təl-Əvivin Ben Qurion hava limanına uçmaqla gəlib. Şebanın rəbəri Professor Zeev Rotsteyn Tehrandan olan pasiyenti xeyriyyə yardımı kimi götürməyə razılıq verib. “Yeniyetmə pasiyentin atası Professor Rotsteynə zəng vuraraq deyib ki, İran həkimləri artıq onun oğluna kömək edə bilmir. Safra Uşaq Xəstəxanası beyin xərçəngi sahəsində çox böyük işlər gördüyü üçün həkimlər oğlunun orada müalicə almaslını məsləhət görür”, deyə Vaynberq bildirir. Vaynberq əmindir ki, iranlı həkimlər Şeba Padiatrik-Hemato-Onkologiya Departamentinin rəhbəri Amos Toren haqqında elmi ədəbiyyatdan oxuyublar. Ona görə də uşağı müalicə etmək üçün ən yaxşı həkim kimi məsləhət görüblər.

İsrail həkimlərinin münasibətləri yaxşı olmayan ölkələrdən uşaqların müalicəsi ilə ilk dəfə məşğul olmur. İsrailin “Uşaq Urəyini Xilas Edin” Xeyriyyə təşkilatı iraqlı uşaqları həyati önəmli müalicə üçün İsrailə gətirib. Qəzza bölgəsi və Fələstin Muxtariyyatından olan fələstinlilər də mütəmmadi olaraq İsrail xəstəxanalarında müalicə olunur.

Düçmən ölkələrin vətəndaşlarına İsrailə daxil olmaq qadağan olunsa da , belə xüsusi hallarda icazə verilir. Belə şəraitdə Daxili İşlər Naziri Meyr Şitrit şəxsən uşaq və onun valideynlərinə ölkəyə daxil olmağa xüsusi razılıq verir. “Biz ölkələr arasında bir işıq kimiyik. Əgər uşaq taleyi təhlükə altındadırsa bu zaman onun milli mənsubiyyəti heç bir rol oynamır. Kaş ki, yardım edə bilək. Bunun üçün əlimizdən gələni edirik”, deyə Nazir Şitrit bildirir.

(Böyütmək üçün)

Prezident Peres BMT-də çıxış edir

Cənab Sədr,

Biz həmçinin iki sülh müqaviləsinə nail olmuşuq. Birincini ən böyük Ərəb ölkəsi olan Misirlə. İkincisini isə İordaniya Haşimilər Kralliği ilə. Müharibə nəticəsində əldə etdiyimiz bütün torpaqlar, su və təbii sərvətləri sülh müqaviləsindən sonra geri qaytardıq. Bizim ölkələr indi digər mübahisəli ərazilər üçün də mümkün vasitələr təklif edə bilər.
Sülh naminə bizim regiona müraciətimiz ziyan dəymiş ətraf mühiti və kasıblığa doğru aparan zərər görmüş torpaqları bərpa etməkdir. Əgər biz səhranın, susuzluğun və çirklənmənin öhdəsindən gəlməsək, onlar bizə qalib gələcəklər. Birgə müəssisələr bu çağırışa cavab ola bilər. Təbiətin milli pasportu yoxdur.
Fələstinlilərlə biz yekun sülh üçün danışıqlar aparırıq. Hər iki tərəf İsraillə çiyin-çiyinə, sülh, təhlükəsizlik və hörmətlə yaşayacaq Fələstin dövlətinin qurulmasına razıdır. Biz danışıqları bu il yekunlaşdırmaq istədik. Amma uzun çəkəcək. Lakin mən inanıram ki, gələn il bitirə bilərik. Danışıqlar vasitəsi ilə aradakı boşluqlar daralıb. Xüsusən də ərazi məsələsi. Lakin sülh təkcə ərazi güzəşti ilə bağlı deyil. Vicdansız siyasətçilər hətta ərazi mübahisəsinin həll olunduğu zaman da sülhü rədd edir.

Çıxışın tam mətni

(Böyütmək üçün)

Ölü Dənizdə İkinci MDA 2008 Olimpiya Oyunları qaliblərə mükafatların paylanması mərasimi ilə başa çatdı .

Ölü Dəniz ərazisində çətin hava şəraiti altında iki gün davam edən yarışlarda İsrail və dünyanın 12 ölkəsindən olan 200-dən artıq ilkin tibbi yardımçı və paramediklər iştirak edib. Onlar çətin sınaqlar və senarilərdən ibarət yarışda yaralılara və xəsarət alanlara ilkin tibbi yardım göstərib və vertalyotlarla yardımlar gətirib, dəvələrin üzərində Beduin düşərgəsinə gedərək boğulan uşağa kömək edib, razılaşdırılmış və razılaşdırılmamış senariyə uyğun olaraq zərərçəkənlərə dəstək verib, eyni zamanda zədə və ürək problemlərindən əziyyət çəkənlərə qayğı göstəriblər. Bütün bunlar əvəzolunmaz təcrübə, sevincli qələbə və üzülmələrlə müşaiyət olunub. MDA 2008 Olimpiya Oyunları ənənvi bağlanış mərasimi ilə başa çatıb. Müxtəlif səviyyələrdə üç ən yüksək yeri tutana mükafatlar verilib.

Yarışda İsrail Müdafiə Qüvvələri, Maqen David Adom təşkilatı, beynəlxalq yardım təşkilatları, eləcə də Kanada, Çexiya, İngiltərə, Fransa, Almaniya, Hollandiya,  İrlandiya, İordaniya, Norveç, Polşa, Türkiyə və ABŞ-dan olan həkimlər də iştirak edib.

Yarışın sonuncu günü Eyn Gedidə Beynəlxalq Təcili Tibbi Xidmət Konfransı keçirilib. Tədbirdə İsrail, həmçinin ABŞ, Niderland, Fransa, İrlandiya, İspaniya və Avstriyadan nüfuzlu eksspertlər iştirak edib.

Yarışın qalibləri:

İsraildən mobil intensiv qayğı heyəti:

1-ci yer: Karmel regionu, paramediklər Daniel Qrenspan və Mixael Abu, ilkin yardımçılar – Ariel Kriger və könüllü Rotem Mizraxi ilə; 2-ci yer:  Ayalon regionu heyəti; 3-cü yer: Yarkon regionu heyəti

Xaricdən mobil intensiv qayğı heyəti:

1-ci yer: Polşa; 2-ci yer:  Hollandiya; 3-cü yer: Delaver, ABŞ

Requlyar ambulans heyəti:

1-ci yer: Gilboa regionu, ilk yardımçı Meytal Rafaeli və Lior Markovits, könüllü Saqi Avramov və Yonatan Haruş; 2-ci yer:  Neqev regionu; 3-cü yer: Laçiş regionu

Yerusəlim regionu ambulansı da yüksək peşəkarlıq nailiyyətlərinə görə alqışlanıb.